Lovely Poetry
شکریہ یار! دل دکھانے کا
پہلے یہ کام تھا زمانے کا
روز ہوتا ہے سامنا دکھ سے
جیسے اک فرد ہو گھرانے کا
تو مجھے گنگنا اکیلے میں
انترا ہوں اداس گانے کا
مر گیا ہے کسی جزیرے پر
شوق تھا جس کو ڈوب جانے کا
جس میں تنہائی بیٹھی رہتی ہے
میں وہ کونہ ہوں چائے خانے کا
قبر صندوقچہ ہے خوابوں کا
زندگی سانپ ہے خزانے کا
زخم کا لطف بھی بجا لیکن
جو مزہ تھا ہدف پہ آنے کا۔ ۔ ۔
وقت پہ تیرے کام آ نہ سکا
منتظر تھا جو وقت آنے کا
ایک لمحاتی سچ کے چاروں طرف
سارا پھیلاؤ تھا فسانے کا۔ ۔ ۔
آنکھ سے دل کے ربط جیسا تھا
تیر سے رابطہ نشانے کا۔ ۔ ۔ ۔ ۔ ۔
شاعری پالتو کبوتر ہے۔ ۔ ۔
میر صاحب کے آستانے کا
Shukria yaar! dil dukhanay ka
pehlay ye kaam tha zamanay ka
Roz hota hai samna dukh sy
jaisay ik fard ho gharanay ka
Tu mujhe gunguna akelay men
Antra hoon udaas ganay ka
Mar gya hai Kisi Jazeeray per
shouq tha jis ko doob janay ka
Jis men tanhai bethi rehti hai
main wo kona hun chaye khanay ka
Qabr sandooqcha ha khwabon ka
zindagi saanp hai khazanay ka
Zakhm ka lutf bhi bajaa lakin
jo maza tha hadaff pe anay ka
Waqt per teray kaam aa na saka
muntazir tha jo waqt anay ka
Aik lamhati such k charon taraf
sara phailao tha fasanay ka
Ankh sy dil k rabt jaisa tha
teer sy rabta nishanay ka
Shayeri Paltoo kabootar hai
Mir Sahib k Aastanay ka......
حنبل 💕
💚Hunbal
No comments:
Post a Comment