Sharing a few things can be dangerous by #Hunbli

💕چند چیزوں کی شئیرنگ خطرناک ثابت ہوسکتی ہے💕

ہر گھر میں کچھ ایسی عام اشیاﺀ ضرور موجود ہوتی ہیں جو گھر کے تمام افراد مشترکہ طور پر استعمال کرتے ہیں- لیکن ماہرین نے چند مخصوص گھریلو اشیاﺀ کے مشترکہ استعمال کے اس عمل کو انتہائی خطرناک اور صحت کے لیے نقصان دہ قرار دیا ہے- ماہرین کے مطابق مندرجہ ذیل اشیاﺀ لوگوں کو کبھی بھی آپس میں شئیر نہیں کرنی چاہئیں کیونکہ اس طرح ایک فرد میں موجود بیماری دوسرے فرد میں بھی منتقل ہوسکتی ہے-

*ایئر فون Earphones*

شاید آپ کو اس بات کا احساس بھی نہ ہو لیکن یہ حقیقت ہے کہ ائیر فون جراثیم سے بھرپور ہوتے ہیں- اور یہ جراثیم ائیرفون تک اس وقت پہنچتے ہیں جب انہیں کانوں میں لگایا جاتا ہے- کانوں کی میل ان ائیرفون سے چپک کر جب دوسروں کے کانوں تک پہنچتی ہے تو انہیں انفیکشن ہوسکتا ہے-

*ایئر رنگEarrings*

پاکستانی خواتین میں یہ عادت عام پائی جاتی ہے کہ وہ اکثر کسی نہ کسی پارٹی میں جانے کے کانوں میں پہنے جانے والے بُندے (Earrings) آپس میں شئیر کرلیتی ہیں- لیکن یہ عمل بھی انتہائی خطرناک ہے کیونکہ کانوں کے سوراخ میں بُندے داخل کرنے کے دوران خون ان پر لگ جاتا ہے اور یوں ایک فرد کے خون میں موجود جراثیم دوسرے فرد تک باآسانی منتقل ہوسکتے ہیں-

*ٹوٹھ برشToothbrush*

ٹوتھ برش کو اگر کھلا نہ بھی چھوڑا جائے تب بھی اس میں جراثیم ضرور موجود رہتے ہیں- یہ جراثیم برش کرنے کے دوران انسان کے منہ سے ٹوتھ برش میں منتقل ہوتے ہیں- اس لیے ضروری ہے کہ کسی دوسرے شخص کا برش استعمال کرنے سے گریز کریں اور نہ ہی کسی کو اپنا ٹوتھ برش استعمال کرنے دیں-

*ٹوٹھ پیسٹToothpaste*

ٹوتھ پیسٹ کی شئیرنگ اگرچہ اتنی نقصان دہ تو نہیں جتنی کے ٹوتھ برش کی ہے تاہم ماہرین کے مطابق ٹوتھ برش پر ٹوتھ پیسٹ لگانے کے دوران ٹیوب میں بھی جراثیم داخل ہوسکتے ہیں- اس لیے جہاں تک ممکن ہو اس عمل سے بھی بچیے-

*لپ بامLip balm*

سردیوں کے موسم میں ہونٹوں کے پھٹنے سے بچانے کے لیے چیپ اِسٹک کا استعمال ضرور کیا جاتا ہے- لیکن اس کی شئیرنگ بھی خطرناک ثابت ہوتی ہے- ہونٹوں پر لگانے کے دوران منہ کی جھلیوں سے نکلنے والے جراثیم اس پر چپک جاتے ہیں اور جب یہی چیپ اسٹک کوئی دوسرا فرد استعمال کرتا ہے تو اس کے خون میں داخل ہوجاتے ہیں- اس شئیرنگ میں زیادہ تر Herpes Simplex نامی وائرس دوسرے شخص میں منتقل ہوتا ہے-

*جار والی کریمCream in a jar*

اگرچہ کریم کے استعمال سے چہرے پر موجود جراثیم تو دوسروں تک منتقل نہیں ہوتے تاہم ایک شخص کی انگلیوں کے پوروں پر موجود جراثیم ضرور کریم کی بوتل میں داخل ہوسکتے ہیں اور یوں دوسرے فرد تک باآسانی پہنچ سکتے ہیں-

*ٹراؤزرTweezers*

بھنوؤں کی درستگی کے لیے استعمال کیے جانے والے ٹیوزر کی شئیرنگ کس حد تک خطرناک ثابت ہوسکتی ہے شاید آپ کو اس کا گمان بھی نہ ہو- کسی دوسرے فرد کا ٹیوزر جو اس کی جلد پر استعمال کیا گیا ہو آپ کے خون میں کئی بیماریاں پیدا کرسکتا ہے- صرف پلکوں پر ٹیوزر کا استعمال ہی محفوظ ہے-

*نیل کلپرNail clippers*

ہمارے ہاں یہ عادت عام ہے کہ ایک ہی نیل کٹر پوری فیملی استعمال کرتی ہے- لیکن ماہرین کے نزدیک یہ بھی ایک انتہائی خطرناک عمل ہے اور اس طرح ایک فرد کے ناخنوں میں موجود عام بیماریاں دوسرے فرد میں منتقل ہوجاتی ہیں-

*تولیاTowels*

سب سے پہلی بات کہ ہمیشہ خشک تولیہ استعمال کریں- دوسری اہم بات ہے کہ تولیہ ہمیشہ علیحدہ ہونا چاہیے بصورت دیگر دوسرے افراد میں موجود کئی قسم کے وائرس اور آنکھوں کی ایک مخصوص بیماری آپ میں بھی آسانی سے منتقل ہوسکتی ہے-

*صابنSoap*

اس بات میں تو کوئی دو رائے نہیں کہ صابن ایک ہوتا ہے اور استعمال سب کرتے ہیں- لیکن ماہرین نے اس عمل کو بھی اتنا ہی خطرناک قرار دیا ہے جتنا کہ تولیے کی شئیرنگ کو کیونکہ صابن کی شئیرنگ سے وہ تمام وائرس اور بیماریاں دوسروں میں منتقل ہوسکتی ہیں جو کہ تولیے کی شئیرنگ سے ہوتی ہی ہے....

مزید پوسٹ کے لئے نیچے کلک کریں 

👇👇

Home

آپنی راہے Comments میں لازمی دیں ۔۔

شکریہ 💚💚